Tashmë dihet që brokoli është nga ushqimet më të shëndetshme me bazë bimore, por konsumimi i kësaj perime mund të ofrojë disa përfitime të rëndësishme shëndetësore.
Brokoli përmban glukozinolate dhe vitaminë C, të cilat kanë treguar se luftojnë stresin oksidativ. Po ashtu përmban sulforafan, i cili mund të pengojë prodhimin e glukozës dhe të përmirësojë glukozën. Dietat e pasura me brokoli mund ta zvogëlojnë rrezikun e kancerit në shumë inde, duke përfshirë mushkëritë, fshikëzën dhe prostatën.
Brokoli është i pasur edhe me lëndë tjera ushqyese, si fibra, minerale, proteina, antioksidantë, vitaminë K, hekur dhe kalium.
Disa studime tregojnë se brokoli mund ta përmirësojë shëndetin e zemrës në mënyra të ndryshme.
Nivelet e ngritura të kolesterolit të keq (LDL) dhe triglicerideve, njihen si faktorë kryesorë të rrezikut për sëmundjet e zemrës. Një studim vuri re ulje të konsiderueshme të triglicerideve dhe kolesterolit të keq, si dhe rritje të niveleve të kolesterolit të mirë (HDL) te njerëzit që u trajtuan me një suplement brokoli pluhur.
Edhe
A mund të ndihmojë brokoli për humbje peshe?
Disa kërkime mbështesin gjithashtu nocionin se antioksidantët specifikë në brokoli mund ta zvogëlojnë rrezikun e përgjithshëm të sulmit në zemër.
Brokoli mund të hahet i gatuar ose i papërpunuar. Të dyja metodat janë krejtësisht të shëndetshme, por ofrojnë profile të ndryshme ushqyese. Por hulumtimet e fundit tregojnë se zierja e butë në avull ofron përfitimet më të mëdha shëndetësore.
