Të gjithë e dimë që ushqimet e shëndetshme janë shpesh më të shtrenjta se produktet me më pak vlera ushqyese. Por, një raport i ri tronditës botuar në gazetën “The Lancet”, pohon se rreth një e pesta e vdekjeve në botë lidhet me dietat e varfra.
Studimi shpjegon se në rang global, një milion vdekje në vitin 2017 ishin të lidhura me dietat e varfra. Sëmundjet kardiovaskulare, disa lloje të kancerit dhe diabeti i tipit 2 ishin ndër sëmundjet më të shpeshta që po shkaktojnë vdekje.
Ushqyerja njihet si një nga ato fusha të shëndetit publik që është përkeqësuar në mënyrë drastike gjatë shekullit XXI.
Ndërsa shumë faktorë ndikojnë në rritjen e numrit të vdekjeve të lidhura me dietën, raporti thekson rëndësinë e tre rekomandimeve të të ushqyerit që janë injoruar shumë shpesh. Ai gjithashtu thekson nevojën për të eliminuar tre kategoritë e ushqimeve që konsumojmë shumë shpesh. Më poshtë do të lexoni gabimet më të mëdha me dietat që çojnë deri në vdekje njerëzish në mbarë botën:
Mosngrënia e frutave të thata
Edhe
Dieta që ul rrezikun nga sëmundjet e zemrës
Mangësitë më të mëdha u vunë re tek arrat dhe frutat e thata. Në përgjithësi po marrim vetëm 12% të sasisë së rekomanduar, thuhej në raport ndërkohë që sipas studimit duhet të marrim 21 gramë në ditë. Në fakt, marrim vetëm 2 gram në ditë. Frutat e thata si arrat, lajthitë bajamet janë të pasura në proteina, fibra, acide yndyrore të shëndetshme dhe vitamina.
Konsumimi i dobët i qumështit
Në rang global jemi duke konsumuar 16% të sasisë ditore të rekomanduar të qumështit sipas studimit të ri. Ka pasur disa debate vitet e fundit rreth temës nëse qumështi është apo jo i mirë për shëndetin. Por qumështi i plotë po bën një kthesë dhe po përforcohet teoria se qumështi me yndyra të plota lidhet me një rrezik më të ulët të obezitetit. Gjithashtu ndihmon fëmijët të thithin në mënyrë më efikase vitaminën D dhe lidhet me kocka më të forta.
Mungesa e marrjes së mjaftueshme të drithërave të plota
Ne nuk hamë mjaftueshëm drithëra të plota. Sasia mesatare ditore është 29 gram, kur duhet të hamë 124 gramë në ditë sipas studimit. Përfitimet potenciale të tyre lidhen me rreziqet e ulëta të sëmundjeve kardiovaskulare, shëndetin më të mirë të aparatit tretës dhe menaxhimin e peshës. Prandaj duhet të konsumoni sa më shumë oriz kafe, elb, bollgur, pasta integrale, misër.
Edhe
Ushqimet që ndikojnë në uljen e rrezikut të diabetit
Konsumojmë shumë kripë, pije me sheqer dhe mish të përpunuar
Të gjithë i dimë efektet anësore të konsumimit të lartë të pijeve me gaz gjatë ditës, që lidhet me rrezikun e sëmundjeve kardiovaskulare, demencën, sulmin në zemër, etj. Kripa e tepërt mund të shkaktojë presion të lartë të gjakut, goditje e sulm në zemër kurse mishrat e proceduar lidhen me shanse të rritura për diabet, sëmundje të zemrës dhe disa lloje kanceri./Neps.al
