Shkencëtarët në Mbretërinë e Bashkuar do të fillojnë ta testojnë një trajtim për të cilin shpresohet se mund të kundërshtojë efektet e COVID-19 në pacientët me sëmundje më serioze.
Është zbuluar se pacientët me formën më të rëndë të sëmundjes kanë numër jashtëzakonisht të ulët të një qelize imune, e quajtur qeliza T. Këto qeliza pastrojnë tërë infeksionin nga trupi. Testi klinik do të vlerësojë nëse një ilaç i quajtur Interleukin 7, i njohur për ta rritur numrin e qelizave T, mund të ndihmojë në shërimin e pacientëve.
Këtu përfshihen shkencëtarë nga Instituti Francis Crick në King's College dhe Spitali Guy and St Thomas. Ata kanë studiuar qelizat imune në gjakun e 60 pacientëve të infektuar me COVID-19 dhe gjetën një përplasje të dukshme në numrin e qelizave T.
Profesori Adrian Hayday nga Instituti Crick ka thënë se ishte një “befasi e madhe” për të parë se çfarë po ndodhte me qelizat imune.
“Ata po përpiqen të na mbrojnë, por virusi duket se po bën diçka që po tërheq qilimin prej tyre, sepse numri i tyre ka rënë në mënyrë dramatike”, ka shtuar tutje Hayday.
Në një rënie gjaku në (0.001ml), të rriturit e shëndetshëm kanë midis 2,000 dhe 4,000 qeliza T, që quhen edhe limfocite T. Pacientët me COVID-19, pas testimit, dolën t’i kishin 200-1.200 limfocite T. Studiuesit kanë thënë se këto gjetje hapin rrugën që ata të zhvillojnë një “test gjurmësh të gishtërinjve” për të kontrolluar nivelet e qelizave T në gjak, të cilat mund të japin indikacione të hershme se te kush mund të zhvillohen sëmundjet më të rënda.
Por, gjithashtu siguron mundësinë që një trajtim specifik të kthejë atë rënie të qelizave imune. Manu Shankar-Hari, një këshilltar i kujdesit kritik në Spitalin Guy and St Thomas, ka thënë se rreth 70% e pacientëve që ai kontrollon në kujdesin intensiv me COVID-19 mbërrijnë me ndërmjet 400-800 limfocite për mikrolitra.
“Kur ata fillojnë të shërohen, niveli i limfociteve gjithashtu fillon të kthehet përsëri”, ka shtuar ai.
Interleukin 7 është testuar tashmë në një grup të vogël të pacientëve me gjendje septike dhe është vërtetuar që prodhimi i këtyre qelizave specifike të rritet me kujdes. Ky testim do t'u jepet pacientëve me një numër të ulët të limfociteve, të cilët kanë qenë në kujdes kritik për më shumë se tri ditë.
“Ne shpresojmë që kur të rrisim numrin e qelizave, infeksionet virale do të pastrohen”, ka thënë Shankar-Hari.
© KOHA. Të gjitha të drejtat janë të rezervuara.
