Vendi liqenor

Malawi është një vend i gjatë dhe i ngushtë në Afrikën Jugore. Kryeqyteti i tij është Lilongwe. Emri i vendit rrjedh nga Maravi, një grup njerëzish që flasin Bantu. Ata e pushtuan zonën dhe u vendosën atje rreth 600 vjet më parë, shkruan sot Koha Ditore.

Kur britanikët e sunduan Malawin, vendi quhej Nyasaland. Emri u ndryshua në Malawi në vitin 1964, kur vendi u bë i pavarur. Peizazhi i vendit përbëhet nga pllaja të gjera, lugina të thella dhe male. Një liqen i madh shtrihet përgjatë pjesës më të madhe lindore të Malawit. Njerëzit që jetojnë në vend e quajnë atë Liqenin Malawi, por njerëzit në vendet e tjera e quajnë Liqeni Nyasa.

Ai është një nga liqenet më të thella të botës. Në të jetojnë rreth 200 lloje peshqish. Shumë prej këtyre peshqve nuk gjenden askund tjetër në botë. Ka shumë lloje të ndryshme të bimëve dhe kafshëve në Malawi. Ka antilopa, buaj, elefantë, leopardë, luanë, rinocerontë dhe zebra. Këto kafshë gjenden kryesisht në parqe të veçanta.

Pjesa më e madhe e vendit është e mbuluar nga savanat me bar, por ka edhe male dhe pyje. Eukalipti dhe pishat janë mbjellë për t’i siguruar Malawit dru dhe produkte letre. Shumica e njerëzve në Malawi sot janë fermerë. Ata kultivojnë misër, fasule, bizele dhe kikirikë. Ka edhe plantacione të mëdha çaji.

Duhani kultivohet në mes të vendit. Malawi e shet pjesën më të madhe të duhanit në Mbretërinë e Bashkuar. Çaji, sheqeri dhe pambuku shiten gjithashtu në vendet e tjera.