Një statujë e madhe e perandorit Konstandini i Madh është rindërtuar në Romë. Struktura e lashtë 11 metra u rikrijua duke përdorur softuer të teknologjisë së lartë për të skanuar një pjesë të vogël të fragmenteve të mbijetuara.
Dikur figura e perandorit qëndronte madhërishëm në zemër të Romës së lashtë. Tani një statujë e madhe e perandorit Konstandini i Madh po kthehet në Qytetin e Përjetshëm falë një rindërtimi të teknologjisë së lartë bazuar në fragmentet që i kanë mbijetuar kohës.
I ashtuquajturi Kolosi i Konstandinit, i cili daton në fillim të shekullit të 4-të, ishte një statujë monumentale e ngritur për të festuar mbretërimin e perandorit.
I lindur në vitin 306 pas Krishtit në Naissus, tani pjesë e Serbisë, Konstandini u bë një nga udhëheqësit romakë më me ndikim i të gjitha kohërave, duke e forcuar jashtëzakonisht perandorinë.
Ai është më i famshëm për konvertimin në krishterim, dhe ekspertët besojnë se statuja e madhe e tij shërbeu si njohje se krishterimi ishte bërë feja e perandorisë.
Krijimi prej mermeri dhe bronzi fillimisht ishte rreth 11 metra i gjatë. Statuja më vonë u thye dhe u plaçkit.
Tani, romakët dhe turistët do të mund të admirojnë një kopje të statujës në tërësi, krejtësisht të ngjashme me origjinalin, falë 14 muajve të punës nga Fondacioni Factum.
Edhe
Zhvendosja e një perandorie: Nova Roma në Kostandinopojë
Me qendër në Madrid, Fondacioni Factum krijon dokumentacion digjital të saktë dhe me rezolucion të lartë të vendeve të trashëgimisë kulturore dhe veprave të artit në mbarë botën, për të bërë faksimile të veprave të artit të shkatërruara, të dëmtuara, të grabitura ose të humbura.
Ata kaluan tri ditë duke skanuar fragmentet në mars të vitit 2022, duke përdorur teknikat e fotogrametrisë.
Rindërtimi kompleks nga fondacioni duhej të merrte parasysh disa faktorë, si lloji i mermerit nga i cili janë bërë fragmentet, restaurimi i tyre dhe mënyra e shtimit të kopjeve të pjesëve që mungojnë.
