Një lopë është shpëtuar sot pasi ka ngecur në katin e dytë të një objekti të pashfrytëzuar që gjendet në kodrën e Goleshit, në fshatin Harilaq të Fushë-Kosovës.
Ndonëse nuk dihet se si ka përfunduar lopa aty, ajo është shpëtuar nga një qytetar i cili ishte angazhuar nga Komuna e Fushë Kosovës që ta zbriste lopën në tokë me vinçin e tij.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoImer Islami, qytetari në fjalë, ka publikuar në Facebook një video në të cilën shihet momenti kur lopa zbritet në tokë përmes vinçit.
Islami thotë se lopën e shpëtoi komuna e Fushë Kosovës.
“Sot e shpëtoi lopën Komuna e Fushë-Kosovës në fshatin Harilaq, Bislim Islami me kamion”, shkruhet në përshkrimin e videos.
Click Channel mëson se komuna e ka angazhuar qytetarin Bislim Islami duke ia hequr shpenzimet, që me kamionin e tij ta shpëtojë lopën.