Një biznesmene në Xhamajka e cila i mbijetoi një aksidenti të tmerrshëm me makinë dhe nga i cili mbeti e vdekur shoqja e saj, tani ka theks britanik dhe është mëngjarashe.
Dy ditë pas aksidentit, Deana-Rae Clayton u zgjua nga koma kur zbuloi se mund të fliste me theks britanik edhe pse kurrë nuk kishte qenë në Britani.
33-vjeçarja nga Montego Bay, tha se jo vetëm që nuk mund të flasë në dialektin e saj xhamajkan, por se e kishte të pamundur ta kuptonte kur dikush i fliste.
Ajo i tha Mirror Online se, “në kokën time unë flas atë dialekt, por kur më del nga goja tingëllojë si britanike”.
“Më mori ca kohë deri sa u mësova me të, por tani më pëlqen dhe të tjerët më thonë se më shkon ky theks. Jam po ashtu mëngjarashe. Përdorja dorën e djathtë për të shkruar por tani mund t’i përdorë të dyja”, ka thënë ajo.
Edhe
Australiania zgjohet pas operacionit në fyt me theks irlandez
Doktorët kanë thënë se Deana-Rae vuan nga ‘sindroma e theksit të huaj’, një gjendje ku një person flet me theks tjetër pasi kalon një traumë.
Deana-Rae, së cilës i ka humbur kujtesa, ka pësuar goditje në tru i cili ia preku një pjesë të trurit që lidhet me të folurit dhe lëvizjet.
Ajo ka treguar se derisa ishin duke u kthyer nga një gosti ndodhi aksidenti. Krahu i shoferit ishte më i godituri, kështu që shoqja e saj mbeti e vdekur ndërsa Deana-Rae mori lëndime serioze, transmeton KOHA.
“Neurologu më ka thënë se në gjithë përvojën e tij profesionale nuk kishte parë diçka të tillë t’i ndodhte një pacienti dhe besoj se unë jam i vetmi person në Xhamajkë me sindromën e theksit të huaj”, ka përfunduar ajo.
Edhe
Emilia Clarke, me fat që mund të flasë pas 2 aneurizmave të trurit
Deana-Rae ka krijuar një faqe në Youtube për t’ua treguar njerëzve historinë e saj, ndërsa ka thënë se pavarësisht se doktorët i kanë ofruar terapi për ta kthyer theksin e saj origjinal, nuk e ka pranuar një gjë të tillë.
{gallery}
