Ora e veçantë që përmban tri piktura në miniaturë të Van Goghut, çmimi marremendës

Artisti britanik David Lindon ka krijuar “galerinë e parë të artit të veshur në botë”, e cila përmban tre nga veprat më të famshme të artistit holandez Vincent van Gogh.

Bëhet fjalë për kryeveprat e quajtura “Nata me yje”, “Luledelli” dhe “Autoportreti”, përmasat e të cilave janë rreth 0.5 milimetra, prandaj nuk shihen me sy të lirë, por vetëm nën mikroskop. Lindonit iu deshën dy muaj për të vendosur dy imazhet në orën, e cila shitet për afro 200 mijë dollarë.

Britaniku u punësua të krijonte trilogjinë Van Gogh për nder të 50-vjetorit të Muzeut Van Gogh në Amsterdam, i cili festohet këtë muaj.

“Sfida e madhe ishte kontrolli i duarve dhe frymëmarrja dhe krijimi i diçkaje nga pothuajse asgjëja. ​​Vetëm kur shikoni përmes një mikroskopi mund të vlerësoni magjinë e detajeve”, shkroi Lindon në blogun personal.

Ai punonte vetëm natën për të shmangur zhurmat e trafikut dhe tingujt e tjerë që do ta shqetësonin. Që nga viti 2019, Lindoni është fokusuar në sfidat teknike të artit mikroskopik. Ai përdor pajisje të modifikuara të përshtatshme për stilin e tij, gjë që e ndihmon të përsos krijimet.

{gallery}