Në ultësirën e maleve Appalachian, qyteti i vogël Morehead është shtëpia e serrave më të mëdha në SHBA. Por objektivi është më shumë se vetëm një serë në oborrin e shtëpisë; ky operacion i teknologjisë së lartë përdor robotikë, inteligjencë artificiale (AI) dhe të dhëna për të prodhuar deri në 22 milionë kg domate në vit, shkruan CNN.
Popullsia globale do të rritet në rreth 10 miliardë njerëz deri në vitin 2050 dhe OKB parashikon që do të kemi nevojë të prodhojmë 70% më shumë ushqim. Jonathan Webb, themeluesi dhe drejtori ekzekutiv i AppHarvest, beson se serrat nga AI janë një zgjidhje.
E ndërtuar në vitin 2020, AppHarvest tha se serra përdor 90% më pak ujë. Dritat LED përdoren për të zëvendësuar dritën natyrale. Duke përdorur 300 sensorë dhe AI, objekti mbledh të dhëna nga mbi 700,000 bimë dhe kultivuesit mund të monitorojnë nga distanca mikroklimën për të siguruar që të bimët të marrin sasinë ideale të ushqyesve dhe ujit.
Robotët e AppHarvest vlerësojnë se cilat domate janë mjaft të pjekura për t’u korrur dhe pastaj i zgjedhin dhe i presin duke përdorur krahët e tyre robotikë. AppHarvest shpreson të përmirësojë efikasitetin dhe të minimizojë emetimet e karbonit duke përdorur burime të rinovueshme të energjisë në të ardhmen. /abcnews
-
Gara globale për inteligjencën artificiale, Kina apo SHBA-ja
-
Kur robotët kanë nevojë për njerëzit
-
Nga traktorët e automatizuar në ferma deri te korrigjimi i testeve, AI po e rrit efikasitetin në Indi
-
BE-ja synon të ndërtojë fabrika gjigante të AI për t’i bërë konkurrencë SHBA-së e Kinës
-
Teknologjia për krijimin e dhëmbëve në laborator mund të bëhet realitet brenda 20 vjetëve