Një ekip arkeologësh gjetën në Gjermani një skelet njeriu me një protezë të lashtë metalike, që mendohet se daton nga periudha e shekullit të 15-të ose të 16-të.
Duke përdorur teknikat me karbon, ekspertët vlerësuan se personi ishte midis 30 dhe 50 vjeç dhe vdiq midis viteve 1450 dhe 1620, sipas Zyrës Shtetërore të Bavarisë për Ruajtjen e Monumenteve.
E bërë prej hekuri, proteza zëvendësoi katër gishtat e dorës së njeriut – gjë që i mahniti arkeologët, shkruan Reuters.
Edhe për ekspertët me përvojë, ky është zbulim i veçantë – pohojnë nga Zyra Shtetërore e Bavarisë për Ruajtjen e Monumenteve.
Rrethanat e humbjes së gishtërinjve dhe aplikimi praktik i protezës, tani për tani, mbeten të mistershme.
Walter Irlinger, kreu i departamentit të konservimit në zyrën bavareze, ka thënë se proteza ishte e palëvizshme.
Gërmimi u krye pranë kishës në Frising, afër Muenichut.
Edhe
Shpata e lashtë prej bronzi gjendet në Gjermani
Ky zbulim i shtohet një koleksioni prej rreth 50 protezash të ngjashme të zbuluara në Evropën Qendrore nga mesjeta e vonë deri në periudhën e hershme moderne.
Konfliktet ushtarake nga vitet 1618 deri në 1648 mund të kenë kontribuar në rritjen e amputimeve dhe kërkesës për proteza.
Një nga zbulimet më të mëdha të këtij lloji është një gisht 2600 deri në 3400 vjeçar i gjetur në Egjipt dhe një protezë e këmbës që daton afërsisht në vitin 300 para Krishtit dhe është gjetur në Italinë e sotme.
