Burri i cili u kap nga kamera duke e vjedhë një kapelë nga një fëmijë në kampionatin “US Open” në tenis ditë më parë, ka pranuar se “ka bërë gabim të madh”, pasi pamjet e rastit u bënë virale.
Polaku Piotr Szczerek, që është pronar i kompanisë për shtrimin e rrugëve “Drogbruk”, ka thënë se ka qenë “i sigurt” se tenisti Kamil Majchrzak, ia kishte dhënë atij kapelën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“E di se kam bërë diçka që duket si marrje e qëllimshme e një kujtimi të një fëmije. Por ky nuk ishte qëllimi im. Megjithatë, kjo nuk e ndryshon faktin që e lëndova djaloshin dhe i zhgënjeva fansat”, ka shkruar ai në rrjete sociale.
Videoja e bërë të enjten tregon tenistin që ia ofron kapelën një fëmije, para se Szczerek ta zgjatë dorën për ta marrë. Klipi u bë viral dhe nxiti reagime të menjëhershme ndaj veprimit të 50-vjeçarit.
Ai bëri të ditur se ia ka kthyer kapelën djaloshit. Por vepra i kushtoi rëndë. Përderisa ka pasur raportime të paverifikuara se kompania e tij ka humbur 15 për qind të vlerës, e sigurt është rënia e vlerësimit nga audienca. Kompania e tij tani ka vetëm 1.3 yje në Google.
Szczerek dhe gruaja e tij Anna e patën themeluar kompaninë “Drogbruk” më 1999. Kompania është sponsore e ngjarjeve sportive dhe sportistëve polakë.
VIDEO:
Nothing is more disgusting than a child bully.
He is Piotr Szczerek, the owner of the Polish Drogbruk company, stealing the cap of Kamil Majchrzak during the US open.
Disgusting people. pic.twitter.com/jG3KIRh3dU— Roberto A. Arrucha (@Arrucha) August 30, 2025