Është një libër që i ka mbijetuar kohës: një botim i rrallë i “Harry Potter and the Philosopher’s Stone” i blerë për shumë më pak, mund të arrijë deri në 5000 funte (5,821 euro) në ankand.
Romani i parë i serisë Harry Potter të JK Rowling u refuzua nga një duzinë botuesish përpara se Bloomsbury të printonte vetëm 500 kopje në letër në vitin 1997.
Për shkak se 300 nga ato botime u lëshuan në bibliotekat publike, kërkimi për të gjetur botimet e para është i vështirë. Kjo është arsyeja pse botimet e para origjinale kanë fuqinë për të kthyer monedhat prej metali me të cilat ishin blerë fillimisht në ar të pastër.
Ky botim u ruajt dhe u ble nga bibliotekat e Wolverhampton nga një burrë nga Staffordshire me një pasion të përjetshëm për librat. Burri, i cili vdiq në fillim të këtij viti, filloi të merrej me libra kur ishte ende në shkollë, shkroi Guardian.
Libri u gjet në mesin e gjërave të tij personale pasi ai vdiq dhe u vu në ankand.
Nuk është hera e parë që ky libër e ka bërë magjinë e vet: një edicion shumë i veçantë i librit ishte shitur vitin e kaluar për 8,000 funte.
