Elefantët nuk janë qenie njerëzore me të drejta kushtetuese, ka vendosur Gjykata e Apelit në New York të martën.
Projekti për të Drejtat e Qenieve Jonjerëzore ka kundërshtuar mbylljen e elefantit Happy në Kopshtin Zoologjik Bronx. Pasi disa të tjerë kanë ngordhur, ajo dhe një tjetër elefant janë të vetmit që kanë mbetur në këtë kopsht, shkroi Politico.
Grupi i të drejtave ka argumentuar situatën duke e përshkruar si mizore ndaj kafshëve. Dhe se Happy si qenie inteligjente duhet të jetë në gjendje të padisë sipas të drejtave “habeas corpus” kundër mbylljes.
Por, gjykata më e lartë e New Yorkut nuk u pajtua me të.
“Askush nuk i kundërshton aftësitë mbresëlënëse të elefantëve”, ka thënë gjykatësja Janet DiFiore.
Ajo tha se urdhri “habeas corpus” nuk ofron mbështetje ose nuk aplikohet për qeniet jonjerëzore.
Edhe
Elefantët robotikë tërheqin turma e shkaktojnë polemika në tempujt e Indisë
Kurse gjykatësi Rowan Wilson tha se Happyt duhet t’i jepet jetë më e mirë.
“Të gjithë mund të pajtohen se një elefant nuk është anëtar i species njerëzore”, ka thënë ai.
-
Jeta brenda “Alcatrazit të krokodilëve”
-
Kopshti zoologjik danez kërkon që kafshët shtëpiake të padëshiruara t’i dhurohen për ushqim
-
Fondacioni për të Drejtat e Kafshëve: AUV-i urdhëroi mbylljen e 2 strehimoreve ilegale të qenve
-
Gjykata i jep dritën jeshile administratës Trump për dëbimin e mbi 500 mijë emigrantëve