Harroni atë formulën popullore që tash e shumë kohë qarkullon për moshën e qenve: Një vit i njerëzve është i barabartë me 7 të qenve.
Pos llogaritjes klasike të viteve, ka edhe një llogaritje për pjekurinë e qenve, për të cilën po punojnë gjithnjë e më shumë kinologët, shkruan CityMagazine të mërkurën.
Nuk ka asnjë skemë të saktë që krahason moshën e qenit me atë të njeriut. Qenve nisin t’u ndërrohen dhëmbët pas 3-4 muajsh, që te njerëzit ndodh pas 5-6 vjetësh.
Dy vitet e para të jetës së një qeni nuk janë katërmbëdhjetë vjet të njerëzve, por rreth njëzet e pesë.
Pas kësaj, çdo vit pasues është më pak se shtatë vjet të njeriut. Gjatë llogaritjes, duhet të keni parasysh edhe madhësinë dhe shpejtësinë e maturimit dhe periudhën e plakjes së qenit, e cila është shumë e vështirë për t'u përcaktuar me saktësi.
Edhe
Kosova po plaket, deri më 2060 mosha mesatare parashihet 49 vjeç
Edhe kjo tabelë, më poshtë, duhet të merret me rezervë, por gjithsesi faktet flasin se është më afër të vërtetës atëherë kur krahasohet pjekuria e qenve.
Qeni 3 muajsh – njeriu 5 vjeç
Qeni 6 muajsh - njeriu 10 vjeç
Qeni 1 vjeç – njeriu 15 vjeç
Qeni 2 vjeç – njeriu 24 vjeç
Qeni 3 vjeç – njeriu 28 vjeç
Qeni 4 vjeç – njeriu 32 vjeç
Qeni 5 vjeç – njeriu 36 vjeç
Qeni 6 vjeç – njeriu 40 vjeç
Edhe
Pesë lëndë ushqyese që ju duhen më shumë me kalimin e moshës
Qeni 7 vjeç – njeriu 44 vjeç
Qeni 8 vjeç – njeriu 48 vjeç
Qeni 9 vjeç – njeriu 52 vjeç
Qeni 10 vjeç – njeriu 56 vjeç
Qeni 12 vjeç – njeriu 64 vjeç
Qeni 14 vjeç – njeriu 72 vjeç
Qeni 16 vjeç – njeriu 81 vjeç
Qeni 18 vjeç – njeriu 91 vjeç
Qeni 20 vjeç - njeriu 101 vjeç
Edhe
“Të rinjtë e plakur”, 19-vjeçarë si ata me 60 vjet
Qeni 21 vjeç – njeriu 106 vjeç
Duke pasur parasysh se jetëgjatësia e qenve është midis 12 dhe 15 vjet, i bie që ata të jenë midis 64 dhe 81 viteve të njeriut.
