Eksploruesit besojnë se kanë gjetur avionin e zhdukur 90 vjet më parë

Një ish-oficer i inteligjencës së Forcave Ajrore të Shtetet e Bashkuara të Amerikës beson se ka gjetur rrënojat e avionit të Amelia Earhatit, e cila u zhduk nëntë dekada më parë, në fund të Oqeanit Paqësor duke përdorur të dhëna sonare nga një dron në thellësi të detit.

Duke shpresuar për zgjidhjen e një misteri 87-vjeçar, eksploruesi Tony Romeo planifikon të nisë një mision në fund të këtij viti ose të vitit të ardhshëm, për të gjetur avionin e humbur prej kohësh, kërkim ky që dështoi në vitin 1937.

“Ajo është personi më i famshëm i zhdukur i Amerikës, apo jo? Për sa kohë që është e zhdukur, gjithmonë do të jetë dikush që do e kërkojë,” ka thënë Romeo. “Nëse mund të ndihmojmë të mbyllim këtë mister dhe ta sjellim Amelian në shtëpi, do të ishim shumë të emocionuar”.

Earhart, aviatore amerikane, u bë gruaja e parë dhe personi i dytë në botë që fluturoi vetëm dhe pa ndalesë përtej Atlantikut në vitin 1932, 5 vjet pasi Charles Lindbergh e realizoi këtë arritje. Së bashku me navigatorin Fred Noonan, ajo po përpiqej të fluturonte rreth botës, kur avioni u zhduk mbi Paqësor. Nëse do të kishte sukses, do bëhej pilotja e parë që e bën këtë gjë.

Romeo, shef ekzekutiv i kompanisë private të eksplorimit “Deep Sea Vision”, beson se rrënojat e avionit të Earhartit gjenden në fund të oqeanit, më shumë se 5,000 metra nën sipërfaqe, përafërsisht 160 km nga Ishujt Howland, afërsisht në mes të Havait dhe Australisë.

Edhe Botë 7 pri 2026 “Atë që s’e kanë parë kurrë më parë sytë e njeriut” – Ekipi i “Artemis II” niset për në Tokë

Imazhe të turbullta nga droni në thellësinë e detit shfaqin një formë avioni në fund të oqeanit, ka thënë ai.

Ekuipazhi prej 16-anëtarësh i “Deep Sea Vision” ka kërkuar më shumë se 13,400 km katrorë për 100 ditë në fund të vitit të kaluar.