Një nga pjesëmarrësit e Festivalit të specave më djegës të botës, të zhvilluar në New York, përfundoi në spital pasi përjetoi gjatë ditëve në vazhdim “dhimbje të tmerrshme koke”.
Ai kishte ngrënë atë që njihet si speci më djegës i botës, të quajturin “Carolina Reaper”.
Rasti i 34-vjeçarit përbën të parën herë, që shqetësime të tilla lidhen me konsumin e specit hibrid.
Mjekët që e shqyrtuan thonë tani se personat, të cilët pasi hanë spec djegës ndiejnë dhimbje të menjëhershme e të forta koke, duhet të kërkojnë sa më shpejt trajtim mjekësor, transmeton tch.
Dhimbje të tilla të rrufeshme shkaktohen nga shtrëngimi i menjëhershëm i enëve të gjakut në tru, një gjendje kjo e njohur si “sindroma e vazokonstriksionit cerebral të kthyeshëm”.
Menjëherë pas konkursit, burri pati gulçime të forta, e gjatë ditëve që pasuan nisën dhimbjet e skajshme në qafë, e më pas në kokë. Kontrolli me skaner tregoi se disa arterie të trurit ishin ngushtuar ndjeshëm dhe vetëm 5 javë më vonë, ato u rikthyen në gjendjen e mëparshme.
-
Amerikani thyen rekord botëror, ha 10 speca djegës në 33.15 sekonda
-
Mbi 100 të sëmurë pas gjetjes së E.colit në hamburgerët e McDonald’s-it
-
A mund ta ndihmojnë erëzat organizmin që të jetë më i shëndetshëm?
-
Rekord: Çifti anglez hëngri speca djegës e u puth për 15 minuta
-
Amerikani thyen rekordin duke i ngrënë tre speca djegës për 8 sekonda