Një grumbull me diçka që i ngjan rrushit të thatë me çokollatë shfaqet në atë që duket si një bazë torte. Ka një grumbullim mjeshtëror të diçkaje në madhësinë dhe formën e guacave deti.
Koleksioni unik i artistes Tracey Lee ku paraqiten jashtëqitje kafshësh do të shfaqet në publik për herë të parë këtë fundjavë në Londër.
Ekspozita, e cila hapet në Fusebox, është rezultat i më shumë se 20 vjetëve të koleksionit, i cili filloi për Lee kur ajo duhej t'i thoshte lamtumirë elefantit të saj të preferuar, Geetha. Një mbrëmje më 2001, ajo i ngarkoi elefantët në kamionë për t'i zhvendosur nga kopshti zoologjik i Londrës në kopshtin zoologjik Ëhipsnade, në mënyrë që ata të mund të shijonin më shumë hapësirë, shkroi Guardian.
“Kur punoni me këto kafshë bini në dashuri me to. Ata bëhen familja juaj”, thotë ajo. “Ju jeni me ta nga ora 7.30 e mëngjesit deri në 6.30 të natës. Nëse ata janë të sëmurë, ju qëndroni gjatë natës me ta. Ju jeni atje në ditën e Krishtlindjes. Teksa kamioni u largua dhe doli në errësirë, më kujtohet se u ndjeva vërtet e humbur. Ishte e tmerrshme. Mora njërën nga jashtëqitjet e Geetas, e mbajta dhe mendova: ‘Kjo është gjëja e fundit që kam nga Geetha’".
Kur rinocerontët e kopshtit zoologjik të Londrës, Rosie dhe Jos, u transferuan gjithashtu në kopshte zoologjike më të mëdha, Lee mori një tjetër kujtim.
Gjatë dy dekadave të ardhshme, Lee mblodhi koleksionin e saj, duke i tharë jashtëqitjet dhe duke i ruajtur ato në hambarin e një shoqeje. Ajo do të vizitonte miqtë që punonin në kopshte zoologjike të tjera dhe do të largohej me një bagazh makine të mbushur me katrahurë.
{gallery}