Akulli rreth Antarktikut mund të shembet nëse temperaturat globale rriten për 4 gradë celsius

Akulli në Antarktikë mund të jetë në rrezik që të shembet nëse temperaturat globale rriten për 4 gradë celsius, kanë paralajmëruar ekspertët.

Hulumtues nga Universiteti “Reading” në Britani të Madhe kanë gjetur se më shumë se një e treta e akullit në Antarktikë mund të shkatërrohet dhe të shkaktojë “sasi të paimagjinueshme” të ujit nëpër dete gjithandej botës.

Sipas shkencëtarëve, kufizimi i rritjes së temperaturës në 2 gradë celsius mund të përgjysmojë rrezikun dhe të shmangë një rritje drastike të nivelit të deteve, shkruan Sky News.

Gjetjet sugjerojnë që rritja e temperaturës globale prej 4 gradë celsius mund të rrezikojë që rreth gjysmë milionë kilometra katrorë me akull të shkrihen.