I ulur para kompjuterit, 22-vjeçari jug-korean, është duke praktikuar intervistën për një vend pune.
Por në fund, nuk është person me të cilin ai bisedon.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoËshtë kompjuteri me inteligjencë artificiale që vlerëson kapacitetin e tij për punën e ofruar.
Kim Seok-wu, është student i menaxhmentit në një prej universiteteve më të mira të Koresë Jugore.
Kjo është hera e dytë që studenti intervistohet nga inteligjenca artificiale. Në herën e parë ai dështoi në intervistën për një dyqan shitjesh.
Për secilën pyetje, i intervistuari ka kohë dy minuta. Teksa përgjigjet, inteligjenca artificiale analizon gjestet e tij, raporton Reuters.
“Kërkuesit e punëve shpesh i ekzagjerojnë kapacitetet e tyre me qëllim që të fitojnë një vend pune, por nuk mund ta mashtrosh inteligjencën artificiale për këtë punë. Në rast se bëhet edhe më e famshme inteligjenca artificiale, them se jam i pashpresë për të gjetur punë”, thotë Seok-wu, transmeton KTV.
Inteligjenca artificiale tashmë ka filluar të përdoret nga kompanitë për zgjedhjen e kandidatëve dhe zbulimin e rezymeve plagjiaturë.
Vlerësohet se në Korenë e Jugut 131 kompani përdorin inteligjencën artificiale për punësim.
Algoritmi i inteligjencës artificiale vlerëson 37 kapacitete të ndryshme të aplikuesve, përfshirë edhe sjelljen e tyre të nder vetëdijshme.
Por me rritjen e popullaritetit të inteligjencës artificiale në procesin e punësimit, është rritur edhe shpresa për ta mposhtur këtë inteligjencë.
Shumë shkolla tashmë e kanë bërë biznes mësimin e aplikuesve se si të përgjigjen në pyetje dhe të mbajnë një qëndrim më pozitiv para inteligjencës artificiale.
“Inteligjenca artificiale është në trend. Koreja Jugore ka problem me punësimin e të rinjve dhe konkurrenca në mesin e studentëve është bërë shumë e frikshme. Ne u ndihmojmë studentëve që të kalojnë me sukses intervistat me inteligjencën artificiale”, thotë Park, trajnues për inteligjencën artificiale.