Afshin Esmaeil Ghaderzadeh është njeriu më i shkurtër që jeton në botë, është konfirmuar nga faqja e rekordeve Guinness. Ai është 20-vjeçar dhe është vetëm 62.2 centimetra.
Ai është gati 7 centimetra më i shkurtër sesa 36-vjeçari Edward Hernandez, i cili mbante rekordin Guinness më parë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAfshin jetonte në një fshat të largët që ndodhet në Qarkun Bukan, provinca e Azerbajxhanit Perëndimor, Iran. Ai mund të flasë si kurdisht ashtu edhe persisht, duke përdorur dialektin farsi.
Ai lindi me një peshë trupore prej 700 gramë dhe tani është pothuajse 6.5 kg.
Afshin ka një personalitet shumë të sjellshëm dhe të këndshëm, ndaj është shumë i pëlqyer nga vendasit. Të dy prindërit dhe komuniteti i tij e thërrasin atë me emrin "Mohamad".
Edhe pse i lumtur, Afshin shpjegoi se do të dëshironte të jetonte si njerëzit e tjerë, veçanërisht që të mund të zotëronte dhe të drejtonte një veturë.
Ai nuk mund të udhëtojë vetëm nëpër fshat, gjithmonë shoqërohet nga njëri prej prindërve të tij. Edhe pse Afshin mund të ecë pa ndihmë, ai ndonjëherë preferon të mbahet në duar.
Afshin është fans i madh i futbollit. Idhulli i tij është portugezi Cristiano Ronaldo.