Fragmente nga Muri i Berlinit si dhuratë  për...martesë?!

Fragmente nga Muri i Berlinit si dhuratë për...martesë?!

04 September 2019 14:31

Berlin, 4 shtator – Një muaj pas martesës së tyre, kitaristi i “Tokio Hotel”, Tom Kaulitz i dhuroi bashkëshortes së tij, Heidi Klum, diçka të pazakontë, një pjesë nga Muri i Berlinit.

Modelja 46-vjeçare gjermane, moderatore televizive dhe sipërmarrëse, shpërndau në Instagram një video, ku tregohej një pjesë nga ky mur.

“Sot më erdhi një dhuratë e veçantë nga bashkëshorti, një copë nga Muri i Berlinit, që e ndau Gjermaninë në Lindore dhe Perëndimore për 28 vjet me radhë”, shkruan ajo.

“Im shoq u lind në anën lindore të murit, katër javë para se ai të shembej, në vitin 1989. Çdo mëngjes do të shoh këtë pjesë të bukur në kopshtin tim, e vetëdijshme se muret nuk duhen ngritur, por shembur”, përfundon ajo/DPA.

Komentet

Shto koment

Të ngjashme