LAJMET E MBRËMJES

Kthimi i “Arena Sport”, deputetët e VV-së kërkojnë shkarkimin e bordit të KPM-së

Pëlqeje KTV Video për të parë video të përzgjedhura nga KOHA
 

Anëtarët e Komisionit të Pavarur për Media, e kanë arsyetuar vendimin për kthimin e kanaleve të “Arena Sport” në platformat kabllore të Kosovës, pas kërkimfaljes së operatorëve, garancisë se një gjë e tillë nuk do të ndodhë dhe kërkesën e qytetarëve për ta kthyer transmetimin e këtyre kanaleve. Por, ndaj këtij vendimi kanë reaguar deputetët e VV-së, anëtarë të Komisionit parlamentar për media. Ata pos shkarkimit të bordit KPM-së, kanë thënë se dikush nga anëtarët e tij mund të jetë edhe i shitur

Shkarkim të Bordit të Komisionit të Pavarur për Media kanë kërkuar anëtarët e Komisionit për media të Kuvendit të Kosovës nga radhët e Vetëvendosjes, pas anulimit të vendimit që e ndalonte transmetimin e kanaleve të “Arena sport”. Ndalimi i këtyre kanaleve kishte ndodhur pas transmetimit të spotit ku lavdëroheshin terroristët serbë që e organizuan sulmin në Banjskë, e në të cilin u vra rreshteri i Policisë, Afrim Bunjaku.

Kërkesën për këtë mbledhje të jashtëzakonshme e ka bërë deputeti i Vetëvendosjes, Nijazi Isaku.