Vepra e Monet “Lulëkuqet” nuk u shpëton aktivistëve të klimës

Një aktivist i klimës është arrestuar, pasi kishte ngjitur një poster në një pikturë të Monet në muzeun “Orsay” në Paris për të tërhequr vëmendjen ndaj ngrohjes globale.

Veprimi i gruas, një anëtare e “Riposte Alimentaire” (Përgjigje për Ushqimin) - një grup aktivistësh mjedisorë dhe mbrojtës të prodhimit të qëndrueshëm të ushqimit - u pa në një video të postuar në X, duke vendosur një poster të kuq mbi “Coquelicots” (Lulëkuqet) të piktorit impresionist francez, Claude Monet.

Në video ajo tha për posterin që mbulon artin e Monet se “ky imazh makthi na pret nëse nuk vendoset asnjë alternativë”.

Piktura e Monet, e përfunduar më 1873, tregon njerëz me çadra që shëtisin në një fushë lulëkuqeje.

Ajo ishte e mbrojtur me xham, por Muzeu nuk iu përgjigj menjëherë një kërkese për koment mbi gjendjen e pikturës pas sulmit.

“Riposte Alimentaire” ka marrë përgjegjësinë për disa sulme ndaj artit në përpjekje për të tërhequr vëmendjen ndaj krizës klimatike.

Aktivistët e klimës hodhën pire patatesh në veprën e Monet në Gjermani

Ato përfshijnë sulme me supë në veprën “Mona Liza” në Muzeun e Louvre dhe në një pikturë tjetër të Monet në Muzeun e Arteve të Bukura të Lionit në shkurt.

Muajin e kaluar, aktivistët që i përkisnin grupit ngjitën fletushka rreth “Liberty Leading the People”, një pikturë e Eugène Delacroix në Louvre  .

Në prill, dy nga anëtarët e nismës u arrestuan në muzeun “Orsay” të dyshuar për përgatitjen e një aksioni atje.

Folegj: Piktura e Monet, e përfunduar më 1873, tregon njerëz me çadra që shëtisin në një fushë lulëkuqeje. Ajo ishte e mbrojtur me xham, por Muzeu nuk iu përgjigj menjëherë një kërkese për koment mbi gjendjen e pikturës pas sulmit. “Riposte Alimentaire” ka marrë përgjegjësinë për disa sulme ndaj artit në përpjekje për të tërhequr vëmendjen ndaj krizës klimatike