Në mëngjesin e sotëm, rreth orës 5, në spitalin e Splitit, ka vdekur këngëtari i njohur kroat dhe ikona e muzikës në Jugosllavi, 71 vjeçari, Oliver Dragojeviq.
Vdekja e tij vjen një vit pasi që ai u diagnostikua me kancer në mushkri.
Ai la pas bashkëshorten dhe dy djemtë.
Dragojeviq për herë të fundit në skenë kishte dalë më 16 tetor gjatë koncertit “Beso në dashuri”, që u organizua nga organizata që luftonte kancerin.
Këngëtari u lind në vitit 1947 në Split dhe njihet me këngët e tij kushtuar dashurisë.
