Vdiq autorja e këngës “Po t’përbej pash’ Perëndinë”

Në moshën 72 vjeçare, pas disa shqetësimeve shëndetësore, ka vdekur të enjten, ikona pejane e këngës, Xhejlane Gutiqi.

Familja e të ndjerës njoftoi se ceremonia e varrimit do të bëhet të premten në orën 15:00 në varrezat e qytetit të saj të lindjes në Pejë.

E ndjera, në karrierën e zenitit të saj, shquhej për interpretimet live duke bërë që me zërin e vet, të shkelte të gjitha vendet e botës, kudo ku kishte shqiptarë.

Dekadën e fundit të jetës, e ndjera, Gutiqi, e kaloi pranë familjes së ngushtë në në lagjen ‘Kapeshnica’ të Pejës, lagje e cila siç do thoshte disa herë në intervistat e kohës, se e frymëzoi e i dha zemër të shtypte paragjykimet e kohës.

Karriera e saj kulmoi në vitin 1970, me këngën autoriale ‘Po t’përbej pash’ Perëndinë’ e cila menjëherë u regjistrua me orkestrën profesionale të atëhershme të Radio Prishtinës.