Këshilli i Ministrave ka miratuar propozimin e ministrit të Shtetit për Diasporën, Pandeli Majko, për krijimin e regjistrit shtetëror të mësuesve të gjuhësh shqipe në diasporë.
Ky regjistër do të përmbajë listën e mësuesve, të cilët kanë të drejtë të japin mësim për programin e gjuhës shqipe e të kulturës shqiptare në diasporë. Gjithashtu aty do të pasqyrohen të dhënat e mësuesve në Diasporë të cilat do të bëhen pas vlerësimit të dokumentacionit të paraqitur nga ana e tyre, në ministrinë përgjegjëse.
Në bazë të marrëveshjes “Për organizimin e përbashkët të mësimit të gjuhës shqipe dhe kulturës shqiptare në diasporë dhe mërgatë”, datë 23.03.2015 ministria përgjegjëse për arsimin gjithashtu do të përgatisë certifikatën për nxënësit që përfundojnë programin e mësimit të gjuhës shqipe e të kulturës shqiptare në diasporë.
-
Dekretohet ligji që zyrtarizon mësimin shqip në diasporë
-
Shqipëri e Kosova me kurrikula të përbashkëta për gjuhën shqipe në diasporë
-
RTSH me emisione për mësimin e gjuhës shqipe, dedikuar për diasporën
-
MASHT-i do të vazhdojë mbështetjen për shkollën shqipe në diasporë
-
Zyrtarizohet mësimi shqip në diasporë, Meta dekreton ligjin