Tiranë, 21 dhjetor - Arkivi Qendror Shtetëror i Filmit ka bërë me dije pak ditë më parë se ka filluar procesi i restaurimit të filmit të parë shqiptar ”TANA”.
Ky produksion kinematografik është realizuar në vitin 1958 dhe premierën e tij e ka pasur po atë vit, më datën 17 gusht. Skenari i këtij filmi mbanë autorësinë e Kristaq Dhamo dhe Nasho Jorgaqi. Rolin e protagonistes në këtë film e ka interpretuar aktorja Tinka Kurti.
Ky restaurim mundësohet nga i Ministria së Kulturës me laboratorët Cinegrell, Zyrih dhe PostFactory, Berlin.
Procesi i restaurimit të filmave të vjetër shqiptar ka nisur para disa viteve ku janë realizuar disa nga prodhimet më të mira shqiptare si “Mimoza Llastica”, “Përrallë nga e Kaluara”, “Nëntori i Dytë”, “Skënderbeu” etj.
Këto produksione po kalojnë në një proces të mirëfilltë dixhitalizimi si në video ashtu edhe në audio për të qenë një pasuri e veçantë në fondin e kinematografisë shqiptare.
Ky proces pritet gjithashtu të vijojë edhe me restaurimin e të tjerë tituj filmash në të ardhmen/ATSH.
-
Shqipëria synon “Oscar” me rrëfimin e kaosit të ‘97-s, mbështetur nga Kosova
-
Restaurohet “Mësonjëtorja”, artefakt i kinematografisë shqiptare
-
Shuhet regjisori i filmit të parë artistik shqiptar
-
Filmi i restauruar “Vdekja e kalit” mbledh tre mijë shikues
-
Rolet e papërsëritshme të Tinka Kurtit, sot ajo mbush 88 vjet