Vëmendja e Evropës sonte do të jetë e përqendruar në “Eurovision”, që shënon 70-vjetorin e që mbahet në arenën “Wiener Stadthalle” në Austri nga ora 21:00. Gjithçka që ndodh para, gjatë dhe pas shpalljes së fituesit mund t’i ndiqni këtu.
Mes 25 shteteve finaliste, Shqipëria do të performojë e pesta me këngëtarin Alis Kallaçi dhe këngën “Nân”, e cila në ditët e fundit është renditur ndër këngët më të klikuara të festivalit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPas performancës së suksesshme në gjysmëfinalen e dytë, pritshmëritë për Shqipërinë janë rritur ndjeshëm.
Mbetet të shihet nëse përfaqësuesi i sivjetmë do të thyejë rekordin e deritanishëm të Shqipërisë në “Eurovision” – vendin e pestë të vendosur nga Rona Nishliu me “Suus” më 2012. Vitin e kaluar Shqipërinë e çoi në finale “Shkodra Elektronike” me “Zjarr” e cila në finale u rendit në vendin e tetë.
Sipas rregullave të festivalit, publiku nuk mund të votojë për shtetin e vet nga territori i atij shteti, ndërsa votimi mund të bëhet përmes telefonit, SMS-së ose platformës zyrtare online.
Dritarja e votimit hapet para performancës së parë dhe mbyllet 40 minuta pas këngës së fundit. Çdo person mund të votojë deri në 10 herë.
Gjithashtu në fund do të jenë edhe votat e jurisë.
Renditja e performancave në finale: Danimarka, Gjermania, Izraeli, Belgjika, Shqipëria, Greqia, Ukraina, Australia, Serbia, Malta, Çekia, Bullgaria, Kroacia, Mbretëria e Bashkuar, Franca, Moldavia, Finlanda, Polonia, Lituania, Suedia, Qipro, Italia, Norvegjia, Rumania dhe Austria,