-
Nga:
Gili Hoxhaj
- 4 qershor 2020 00:14
- Shpërndaje në:
Entela Çarkaxhiu i është bashkuar Filarmonisë së Kosovës në fillim të këtij viti.
Violinistja e re, e cila u paraqit vetëm në një koncert para publikut, si pjesë e orkestrës, ndihet e lumtur që është rikthyer në prova.
Koncertet e parapara për muajt e kaluar, Filarmonia e Kosovës do t’i realizojë kurdo që krijohen kushtet. E në rast se nuk krijohen kushtet për të interpretuar me publik, ky institucion planifikon që programin e vitit 2020 ta prezantojë online para publikut, raporton KOHA.
Institucioni që sivjet shënon 20-vjetorin e themelimit, për shkak të pandemisë e anuloi koncertin në një prej sallave me akustikën më të mirë në Evropë. Filarmonia e Kosovës po planifikon që para publikut në Hungari të prezantohet në vitin 2021.
Aktualisht, Filarmonia e Kosovës po përgatitet për koncertin që do ta mbajë në sheshin “Skënderbeu”.
Drejtori i këtij institucioni, Baki Jashari, thotë se do të sjellin premierë një prej veprave më të njohura të muzikës klasike që do t’i bashkojë në skenë mbi 100 interpretues.
Filarmonia e Kosovës, gjatë kohës së pandemisë, i qëndroi pranë publikut duke transmetuar online koncerte.
