-
Nga:
Shaban Maxharraj
- 26 mars 2019 09:52
- Shpërndaje në:
Prishtinë, 26 mars – I njohur tashmë si festival që mbështet ide të reja e kreative, sivjet festivali ndërkombëtar i muzikës “DAM” vjen me gjashtë mbrëmje koncertale e tri ligjërata. Edicioni i 14-të i festivalit, që nis sot (e martë) me performancën e Kuartetit të Parisit, do ta ketë fokusin te Gara Ballkanike e Kompozitorëve. Pak para nisjes së këtij edicioni, “DAM” ka fituar etiketën EFFE Label si festival i dalluar i arteve për cilësi. Kjo vulë u jepet festivaleve pas vlerësimit të bërë nga ekspertë ndërkombëtarë në botën e festivaleve. Për t’u kualifikuar për etiketën EFFE, një festival duhet të përmbushë së paku 7 nga 10 standarde të cilësisë.
Sipas njërit prej themeluesve të “DAM”-it dhe drejtorit artistik, Dardan Selimaj, edhe në këtë edicion artistëve u është krijuar hapësira si mundësi për të shkëmbyer pasionin, dashurinë, idetë e mendimet me vizionin e qëllimin e vetëm, për të krijuar art. Sipas programit të Festivalit, me pjesëmarrjen e mbi 100 artistëve, këtë edicion organizatorët janë fokusuar në tri programe kryesore: punëtori, koncerte dhe në Garën e Kompozitorëve të Ballkanit. Finalistë të kësaj gare: janë Anda Kryeziu, Damjan Jovicin, Angel Spiroski, Nemanja Radivojeviq dhe Ylli Daklani.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Gara paraqet shtyllën kryesore të festivalit këtë vit”, ka thënë Selimaj. Gara, konkursi për të cilën ishte hapur qysh vitin e kaluar, ka për qëllim krijimin i një programi bashkëpunimi në mes të kompozitorëve që vijnë nga 6 vende të Ballkanit Perëndimor dhe krijimi i marrëdhënieve substanciale midis tyre dhe institucioneve muzikore në Ballkan dhe Evropë.
(Gjerësisht, sot në "Kohën Ditore")