Përderisa dy shoqata kineastësh nuk kanë marrë përgjigje për një varg ankesash a akuzash lidhur me keqpërdorime brenda Qendrës Kinematografike të Kosovës, as nga Kryeministria dhe as nga Ministria e Kulturës, kjo e fundit i ka vazhduar procedurat për ta bërë me drejtor institucionin më të lartë kinematografik në vend, shkruan sot “Koha Ditore”.
Konkursi publik për drejtor të QKK-së të hënën është publikuar në ueb-faqen e MKRS-së. Vjen pas atij të brendshëm që dështoi në mungesë kandidatësh, hapja e të cilit nxiti reagimet e dy shoqatave që akuzonin MKRS-në se me të po e përgatiste terrenin që ta rizgjidhte Arben Zharkun drejtor.
Nëpërmjet një reagimi drejtuar MKRS-së dhe kryeministrit të Republikës së Kosovës, Shoqata e Autorëve dhe Producentëve të Filmit “Arte 7” dhe Unioni i Artistëve të Filmit të Kosovës kërkonin anulimin e konkursit për të cilin shkruhej se qe hapur me “intencë të manipulimit dhe tendencë për të rizgjedhur në mënyrë të kundërligjshme ish-drejtorin Arben Zharku në krye të QKK-së”.
E MKRS-ja kishte sqaruar se konkursi intern ishte hapur me rekomandimin e Këshillit të Pavarur Mbikëqyrës për Shërbimin Civil dhe me lejen e Ministrisë së Administratës Publike... (më gjerësisht lexoni sot në “Koha Ditore”)
-
Konkursi i brendshëm për drejtor të QKK-së nxit akuza për manipulim
-
Ministrisë s’i mjafton një vit për hapjen e konkursit për drejtor të Qendrës Kinematografike
-
Qendra Kinematografike katër muaj pa drejtor, Ministria “fikson detajet”
-
Kronika e një shkarkimi të paralajmëruar të drejtorit të QKK-së
-
Episodi i radhës për shkarkimin e drejtorit të Qendrës Kinematografike