Kulturë

“New Born” sjell ngjyrat e folklorit nga të katër anët e botës

NewBorn Festival
Pjesëmarrësit të cilët janë sistemuar në Qendrën e Studentëve në Prishtinë kanë defiluar me kostumet e tyre tradicionale nga aty, te katedralja “Nënë Tereza”, te “NEWBORN”, sheshi “Zahir Pajaziti” dhe në fund në sheshin “Skënderbeu”, ku shfaqën edhe performancat e tyre

Një kolonë njerëzish të veshur me kostume të llojllojshme tradicionale kishte marrë teposhtën nga “Bregu i Diellit” për te katedralja “Nënë Tereza” në Prishtinë. Kjo kolonë, e paparë ndonjëherë nëpër rrugët e Prishtinës dhe e cila herë pas here shoqërohej nga ritmi i daulleve dhe instrumenteve të tjera muzikore, bënte që shumë njerëz të kthenin kokën e t’i shikonin, e ndonjëri prej tyre madje nxirrte nga xhepi edhe telefonin dhe bënte ndonjë video.

 

Një kolonë njerëzish të veshur me kostume të llojllojshme tradicionale kishte marrë teposhtën nga “Bregu i Diellit” për te katedralja “Nënë Tereza” në Prishtinë. Kjo kolonë, e paparë ndonjëherë nëpër rrugët e Prishtinës dhe e cila herë pas here shoqërohej nga ritmi i daulleve dhe instrumenteve të tjera muzikore, bënte që shumë njerëz të kthenin kokën e t’i shikonin, e ndonjëri prej tyre madje nxirrte nga xhepi edhe telefonin dhe bënte ndonjë video.

Këta të rinj nga shtete të ndryshme kanë ardhur në Kosovë për të përfaqësuar vallëzimin tradicional të vendit të tyre, në festivalin më të ri në Prishtinë, “New Born”. Sllovakia, Polonia, Turqia, Bullgaria dhe Argjentina janë midis shteteve pjesëmarrëse në hapjen e edicionit të parë të këtij festivali.