“Artpolis” organizoi aktivitetin treditor në fshatin Kukaj

Amfiteatri i etnokompleksit në Kukaj është një prej vendeve ku këto artiste po shkëmbejnë ide.

Organizata kulturore feministe “Artpolis” për të dytën herë e organizoi kampin e artisteve dhe aktivisteve.

Përmes artit, në kuadër të këtij aktiviteti, u adresuan ide të ndryshme me të cilat gratë krijuese mund t’i kontribuojnë komunitetit.

Pjesëmarrëset e kampit e sfiduan veten në krijime letrare si dhe në improvizimin e shfaqjeve artistike e performancave.

Këtë eksperiencë, artistet e përjetuan si një sesion reflektimi.

Krijimet e realizuara në kuadër të këtij kampi do të bëhen pjesë e Festivalit Ndërkombëtar të Artisteve dhe Aktivisteve “FemArt”.