Këta studentë i ka bashkuar interesimi për okarinën. Ata tashmë dinë shumë për historikun e këtij instrumenti, mënyrën se si ndërtohet dhe se si interpretohet me të.
Rreth katërdhjetë nxënës u bënë pjesë e sesionit të tretë të punëtorisë për okarinën, organizuar nga Iniciativa Kosovare për Stabilitet (IKS), transmeton emisioni Express në KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShaqir Hoti, i cili tërë jetën ia ka dedikuar instrumentit shekullor të okarinës, vazhdon edhe sot të hulumtojë për të.
Ai u ka shpjeguar studentëve, procesin e ndërtimit të këtij instrumenti, nga faza e parë deri në finalizim.
Studentët e konsiderojnë të rëndësishme punëtorinë që u ka mundësuar të shohin nga afër procesin e ndërtimit të këtij instrumenti.
Kjo punëtori zuri vend në hapësirat e Kolegjit AAB dhe profesori Kushtrim Jakupi thotë se është koha e fundit që vëmendja të kthehet te tradita muzikore.
Punëtoria për okarinën u zhvillua në kuadër të një projekti që synon promovimin dhe ndërgjegjësimin mbi Trashëgiminë Kulturore Jo-materiale në Kosovë. Projekti implementohet nga UNDP-ja dhe është financuar nga Instrumenti i Bashkimit Evropian që kontribuon për Stabilitet dhe Paqe (ICSP).
Ky projekt do të zgjasë deri në fund të muajit qershor kur edhe do të kurorëzohet me një jazz-koncert me tinguj të okarinës.