Duke qenë të paplotësuara në jetë, ato kanë dilema se kah të drejtohen për të dalë nga izolimi.
Me tekst të Albana Mujës dhe regji të Ekrem Sopit, drama “Tango”, e cila u dha premierë në teatrin “Dodona”, shpërfaq përpjekjen e dy grave të ikin nga shoqëria që i shtyp, transmeton emisioni Express në KTV.
Me skenografi të thjeshtë, “Tango” merr formën e një historie dashurie të dy personazheve të gjinisë së njëjtë.
Personazhet e shfaqjes “Tango” janë portretizuar nga aktoret: Rabije Kryeziu dhe Anisa Ismajli, e cila pas shumë vjetësh rikthehet për të luajtur në skenën e “Dodonës”.
Shfaqja “Tango” është realizuar në ko-produksion me teatrin e qytetit.
