Shumë etiketa me numra kishin përfunduar në shportën e vendosur në qoshe të galerisë “Qahili”, si instalacioni më i veçantë i ekspozitës “Holocaust” të Mirjeta Qehajës.
Secili nga numrat u ishte vendosur vizitorëve të ekspozitës pa asnjë shpjegim, si në kohën e Holokaustit, ku identifikimi i njerëzve është bërë me shenja në bluzë dhe numra në dorë, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Tani ju do të keni mundësinë të krijoni veprën tuaj të artit, duke i hedhur këto etiketa aty ku e kanë vendin - në shportë”, u ishte drejtuar piktorja Qehaja pjesëmarrësve të ekspozitës në natën e hapjes, të premten e kaluar.
Me anë të veprës ajo thotë se ka dashur të tregojë se asnjëri nuk zgjedh e as nuk e di çka do të lindë, ku e kur apo në çfarë familjeje, prandaj nuk duhen identifikuar as sot njerëzit me anë të shkronjave që formojnë etiketa fyese për grupe të caktuara shoqërore. Qehaja nuk e di ndonjë ditë të jetës së saj që ka qenë e shkëputur nga punët artistike.
Frymëzimi pas vizitës në Auschwitz
“Holocaust” u frymëzua nga vizita e piktores në Poloni më 2 gusht të vitit 2017, datë që lidhet me 73-vjetorin e gjenocidit ndaj romëve, ku më shumë se 23 mijë pjesëtarë të këtij komuniteti përjetuan masakrën në Birkernaut, kampin më të madh në Auschwitz, vend ky i cili u ngrit nga vetë të burgosurit. Përveç hebrenjve dhe romëve, cak i gjenocidit qenë edhe polakët, gjermanët me aftësi të kufizuara dhe grupe të tjera shoqërore të cilëve iu mor jeta në të ashtuquajturin “Kamp i vdekjes”.
(Artikullin e plotë mund ta lexoni sot në “Koha Ditore”)