Ministria e Drejtësisë ka njoftuar se të shtunën në mbrëmje ka shpërthyer zjarri në ndërtesën e Institutit të Mjekësisë Ligjore.
Sipas një njoftimi për media, zjarrfikësit kanë intervenuar menjëherë.
“Në orët e mbrëmjes, jemi njoftuar që në ndërtesën e Institutit të Mjekësisë Ligjore, ka shpërthyer një zjarr. Të menjëhershme kanë qenë intervenimet e zjarrfikësve. Policia është në vendin e ngjarjes po ashtu edhe zv. Ministri, Blerim Sallahu”, thuhet në njoftim.
Sipas informatave të deritashme s’ka dëme që janë shkaktuar nga zjarri. Nuk dihen shkaqet e shpërthimit të zjarrit.
