Zbulohet skema e gruas që fuste në vende intime drogën për burrin e saj në burg

Gjykata e Krujës ka pezulluar nga detyra tetë punonjës policie të burgut të Fushë Krujës, pas hetimit të prokurorisë, që dyshohet se nuk kanë zbatuar detyrën gjatë lëvizjes së të dënuarvë nga njëri sektor në tjetrin.

Burimet thonë se hetimet që zgjatën gjashtë muaj, zbuluan një skemë të shpërndarjes së hashashit në burgun e Fushë Krujës. Duke përdorur metoda speciale të hetimit, u zbulua që shtetasi I. R. i dënuar për drogë, shiste hashash në burg tek të dënuarit e tjerë.

Përfitimi i tij nga kjo lloj tregtie brenda institucionit të vuajtes së dënimit, ishte një gram hashash kundrejt një karte telefoni. Droga futej në burg, nëpërmjet bashkëshortes së të dënuarit, Sh. R., për të cilën gjykata vendosi masën e arrestit shtëpiak.

Bashkëshotrja e I. R., e fshihe hashashin në vendet intime, duke lehtësuar kështu kalimin, ndërkohë që si detaj rëndues për të janë edhe përgjimet telefonike.

Ndërkaq prokurori i çështjes Florian Bonjaku, në dosjen që Top Channel disponon ka përfshirë edhe përgjimet telefonike mes të dënuarit dhe bashkëshortes së tij.

Në përgjime e prokurorisë, dëgjohet që I.R. i kërkon bashkëshortes së tij ta sigurojë mirë drogën, ndërkaq bashkëshortja i përgjigjet që herë tjetër do sigurohej më mirë për shkak se kishte rrezikuar te binte viktimë e kontrollit.

Edhe Kronikë 6 pri 2026 Suspendohet një polic, dyshohet për dhunë në familje

Burimet po ashtu thonë, se për këtë arsye gjykata ka pezulluar nga detyra edhe dy punonjëse policie femra që dyshohen se nuk kanë ushtruar kontrolle të mjaftueshme.

Në dosjen e prokurorisë që disponon Top Channel, thuhet se skema e shpërndarjes së drogës në burg u zbulua përmes infiltrimi të një tjetri të dënuar, pas indicieve dhe të dhënave të vetë drejtorisë së burgjeve e cila dyshonte që në çeli po shpërndahej hashash.