Një këmbësor ka vdekur si pasojë e goditjes nga një veturë të martën rreth orës 17:00 në magjistralen Prishtinë-Mitrovicë.
Zëdhënësi i Policisë për rajonin e Prishtinës, Agron Borovci, ka thënë se ky aksident me fatalitet ka ndodhur përkatësisht në fshatin Mazgit.
“Rreth orës 17:00, është pranuar informata për një aksident trafiku rrugor të ndodhur në rrugën magjistrale Prishtinë-Mitrovicë, respektivisht në fshatin Mazgit, me ç’rast një veturë ka përplasur një këmbësor. Si pasojë e aksidentit këmbësori ka humbur jetën”, ka thënë Borovci.
Ai shtoi se njësia e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti.
