Një foshnje e porsalindur ka vdekur të hënën në Qendrën Klinike Universitare të Kosovës (QKUK), ka konfirmuar drejtori i Klinikës së Gjinekologjisë, Zef Ndrejaj. Ai i ka thënë KOHËS se shkaqet ende nuk dihen, por dyshohet se mund të ketë qenë për shkak të një infeksioni.
Rasti po hetohet nga Policia e Kosovës, që ka bërë të ditur se për këtë janë intervistuar disa persona.
Trupi i pajetë i foshnjës është tërhequr nga zyrtarët e Institutit të Mjekësisë Ligjore për obduksion (IML).
“Është raportuar se ka ndërruar jetë një foshnje. Lidhur me rastin njësitë përkatëse policore kanë intervistuar disa persona, ndërsa nga zyrtarët e IML-së është tërhequr trupi i pajetë. Rasti në procedurë hetimore”, thuhet në raportin 24-orësh të Policisë.
Artikuj të ngjashëm
-
Një foshnjë vdiq në rrethana të panjohura në QKUK, Policia hap hetim
-
Policia nis hetim për një vdekje që ndodhi në QKUK
-
Vdiq fëmija 9-muajsh që ishte dërguar në spital para dy javësh
-
Gjakovë, vdiq një foshnjë gjatë lindjes, Policia po e heton rastin
-
Vdiq në QKUK një person nga Fushë-Kosova, Policia nis hetim