Vdiq këmbësori që u godit nga vetura në Pejë

Një person ka vdekur si pasojë e një aksidenti trafiku që ka ndodhur mbrëmjen e së shtunës në fshatin Jabllanicë e Vogël e Pejës.

Policia ka njoftuar se viktima ishte goditur nga një veturë duke pësuar lëndime të rënda trupore. Ndonëse këmbësori ishte dërguar në Spitalin Rajonal të Pejës, atje ka vdekur si pasojë e lëndimeve.

Ndërkohë, drejtuesi i automjetetit është arrestuar.

“Është arrestuar i dyshuari mashkull kosovar për shkak se derisa kishte qenë duke e drejtuar veturën kishte shkaktuar aksident duke e goditë këmbësorin, viktimën mashkull kosovar i cili kishte pësuar lëndime të rënda trupore. Viktima është dërguar në Spitalin Rajonal Pejë, por si pasojë e lëndimeve ka ndërruar jetë. Edhe i dyshuari ka pësuar lëndime trupore dhe ka pranuar tretman mjekësor. Trupi i pajetë me urdhër të prokurorit është dërguar në IML për obduksion, kurse i dyshuari me vendim të prokurorit është dërguar në mbajtje për 48 orë”, thuhet në njoftim.