Shërbimi Korrektues i Kosovës ka njoftuar për vdekjen e një 21-vjeçareje në Qendrën Korrektuese për Femra në Lipjan, me inicialet M.K.
Sipas njoftimit, reagimi i stafit korrektues ka qenë i menjëhershëm, por nuk kanë mundur ta kthejnë në jetë viktimën.
“E dënuara, në QKF Lipjan është pranuar me datën 27.04.2021, dhe deri më 18.06.2021 ka qenë në vëzhgim çdo 15 minuta nga psikologu i Qendrës. Po ashtu, nga data 02.11.2021 ka qenë në vëzhgim çdo 30 minuta, i cili vëzhgim ka vazhduar”, thuhet në njoftim.
Autopsia pritet ta verifikojë shkakun e vdekjes.
