-
Nga:
Donisa Fazliu
- 26 mars 2026 10:20
- Shpërndaje në:
(Tekst i përditësuar) - Naim Murseli, i akuzuar për vrasjen e gruas së tij Liridona Ademaj, ka thënë se armën me të cilën Prokuroria thotë se është kryer vrasja e kanë blerë bashkë me të akuzuarin tjetër Granit Plava, me qëllim që të fitojnë nga rishitja e saj.
“Në mbrojtjen e juaj në këtë gjykatë keni deklaruar se ju me të akuzuarin Granit Plava, spontanisht e keni blerë armën dhe çmimin e keni paguar ju. A është e vërtetë”, e ka pyetur Murselin kryetarja e Trupit Gjykues Fatime Dermaku.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Po. Sepse ai tha që e shet dyfish të nesërmën, kjo ishte arsyeja. Me atë qellim e kam blerë”, është përgjigjur Murseli.
Gjyqtarja e ka pyetur se cili ka qenë përfitimi i tij nëse Plava do ta shiste revolen.
Murseli ka thënë se nuk do të kishte asnjë përfitim, vetëm se do t’i ndihmonte Plavës pasi e kishte bashkëfshatar dhe ishte shok i të akuzuarit tjetër, Kushtrim Kokalla të cilin Murseli e ka djalë të hallës dhe të dajës.
Ai ka thënë se më vonë e ka kuptuar që me atë revole ishte vrarë bashkëshortja e tij.
Gjyqtarja e ka ballafaquar Murselin edhe me disa fotografi ku shihet Ademaj e vrarë.
Ai ka thënë se nuk mund t’i shohë ato fotografi.
Dermaku e ka pyetur Murselin edhe për deklaratën e tij se natën kritike kanë qenë pre e grabitjes.
Ai ka thënë se po kanë qenë pre e një grabitje të armatosur.
Dermaku e ka pyetur Murselin edhe pse ai ka qëndruar në Prishtinë natën që ka ndodhur vrasja dhe fëmijët i ka lënë larg.
“Kur dolëm nga stacioni i policisë, mua më tha policia me qëndru në Prishtinë. E fëmijët i ka marrë familja e Liridonës”, ka deklaruar Murseli duke shtuar se fëmijët ishin dakord që të shkonin.
Murseli ka deklaruar se nuk e ka parë Liridonën të vrarë në veturë dhe se e ka parë të nesërmen në morg.
"Kur ka ndodh krisma nuk e kam kthy kokën mbrapa, kam vazhdu me vrapu".
Gjyqtari Gent Beka e ka pyetur Murselin nëse me Granit Plavën kishte udhëtuar për në Prishtinë natën kritike dhe se ai ishte i planifikuar takimi. Murseli është përgjigjur: “Jo, spontanisht”.
Gjyqtari më pas e pyeti për armën që e kishte blerë.
“Thatë që armën ja keni ble me qëllim që ta shes me dyfishin e çmimit dhe thatë se ai nuk kishte para. A bëtë ndonjë bisedë se po ja dhuron atë armë meqë nuk i kishte paratë, apo ndonjë bisedë se po ia paguan dhe i njëjti t’ua kthej ato para?”
E, Murseli është përgjigjur se i kishin thënë se armën të nesërmen do ta shiste me dyfish të çmimit.
“Kur na tregoi shitësi armen dhe na caktoi çmimin, unë e pyeta a po i pëlqen arma dhe ai tha po, tha nesër këta e shes dyfish”, tha Murseli.
Gjyqtari Alban Ajvazi e ka pyetur Murselin për shenjat në dorë që i janë vërejtur viktimës pas ekzaminimit.
“Sipas raportit mjeko ligjor, si edhe fotove shihet se e ndjera e ka plumbin në pjesën e djathtë të kokës, kurse në anën e majtë Liridona ka pasë disa shenja në dorë. Si ka mujtë me ndodh shkaku që grabitësi ka qenë në anën e djathtë?”
Por, Murseli i është përgjigjur se nuk ka përgjigje. “Unë e kam sqaru me ekspertin mjeko ligjor dhe nuk kam përgjigje”.
“Sa i përket shkuarjes në morg, mu kanë konfisku 1350 euro, ato para mi ka dhanë 2000 euro Valon Lluka. Jemi shku afër aty ku blihen sanak e ato që shkojnë. Pra 1350euro janë kusuri që mu kanë kthy nga 2000euro”, shtoi Murseli.
Vazhdon gjykimi për vrasjen e Liridona Ademajt, sot e vazhdon mbrojtjen Naim Murseli
Sot në Gjykatën themelore në Prishtinë është duke vazhduar gjykimi i ndaj Naim Murselit, Granit Plavës e Kushtrim Kokallës, të akuzuar për vrasjen e Liridona Ademajt më 29 nëntor të vitit 2023.
Në këtë seancë mbrojtjen do ta vazhdojë i akuzuari Naim Murseli. Të pandehurit do t’i parashtrojë pyetje trupi gjykues.
Sipas aktakuzës, Murseli e ka organizuar vrasjen e bashkëshortes për motive hakmarrjeje dhe për përfitim financiar, duke i premtuar Plavës 30 mijë euro nëse e kryen atë. E Kokalla akuzohet se në bashkëkryerje ka kryer veprën “Vrasje e rëndë”. I akuzuari i katërt, Tom Dodaj, i cili ua shiti armën Murselit e Plavës për 280 euro, ka pranuar fajësinë. Themelorja e dënoi me 5 vjet burgim, e më pas Apeli ia uli në tre vjet.
Në seancën fillestare më 31 janar 2025, Murseli është deklaruar i pafajshëm. Plava nuk është deklaruar rreth fajësisë, ndërsa Kokalla ka kërkuar kohë për t’u konsultuar me mbrojtjen.
Plava thotë se nuk e ka kryer vrasjen: U morëm vesh me Murselin që unë ta marr përgjegjësinë
I akuzuari për vrasjen e Liridona Ademajt, Granit Plava, është deklaruar sot para gjykatës lidhur me rastin. Ai ka thënë se vrasja është porositur nga Naim Murseli dhe ka thënë se tërhiqet nga deklarata e tij e dhënë në Polici pas vrasjes, ku kishte deklaruar se vetë kishte shtënë në pasagjerin që ishte në veturë më të akuzuarit tjetër Naim Murseli.
Në deklaratën e dhënë të enjten ai ka thënë se me Murselin ishin marrë vesh që ky vetëm ta merrte përgjegjësinë për vrasjen dhe se ai asnjëherë nuk i ka treguar se kush ishte viktima.
Ai ka thënë se është pajtuar vetëm ta marrë përgjegjësinë, duke besuar se do të vritej një person i nacionalitetit serb ose boshnjak, por ka thënë se ai nuk e ka kryer vrasjen.
“Naimi me kë e ka kryer vrasjen, për të cilën unë kam pas me pranu fajësinë, nuk e di”, është shprehur Plava.
Krejt në fund të dëshmisë, para se të deklarohet se do të mbrohet në heshjtje tash e tutje, Plava ka thënë se në momentin kritik është ndalur rreth 15-20 metra larg nga vetura ku ishte viktima dhe Murseli. Shton se e ka dëgjuar krismën e armës dhe në ato momente ka shkuar Murseli, ia ka hedhur armën afër dhe i ka thënë “zhduku”.
“Unë jam ndal me prit ku më ka thënë ky, kam dal nga kerri edhe kam prit. Ky si e ka pa kerrin tem, u ndal rreth 10-15 metra, u ndal dhe e kam pa si shpejt, e kam dëgju krismën e armës, ka ardh vrap edhe ma ka gjuajt armën dhe më ka thënë ik zhduku. Si u ndal kerri unë e kam dëgju krismën. Unë hypa shpejt në kerr dhe ika në shtëpi", ka thënë Plava.
Sipas deklaratës së tij, Murseli i kishte thënë se brenda dy vjetësh do ta nxirrte nga burgu, duke i thënë se ai e dinte se çfarë pushteti kishte.
Plava gjithashtu deklaroi se i ishin ofruar para, një pagë prej 1300 eurosh dhe një veturë e tipit “G-Class”. Ai shtoi se kishte pyetur se kush ishte personi që do vritej, por nuk kishte marrë përgjigje, përveç kërkesës që të merrte përgjegjësinë për veprën.
“E njoh edhe Kushtrimin edhe Naimin. Kushtrimin e njoh më shumë, pasi ka qëndruar më shpesh në fshat, ndërsa Naimin e kam njohur, por jo shumë, sepse nuk kam pasur shumë kontakte me të. Kur vinte gjithmonë në pushim, ishte si një njeri ‘bos’, me vetura të mira. Ka pasur një jetë shumë të mirë dhe ne, si të rinj, e kemi pasur privilegj të rrimë me Naimin. Para kësaj ngjarjeje jemi takuar 7-8 herë me Naimin për marrëveshje, deri në ditën kritike. Unë nuk e di kush ka qenë personi që do ta kryente rastin dhe për të cilin unë do të merrja përgjegjësinë. Të nesërmen në mëngjes e kam marrë vesh që viktima ka qenë gruaja e tij dhe më pas nuk kam ditur çfarë të bëj. Më vjen keq për atë rast që ka ndodhur, sepse ai më kishte thënë se ishte ose shkinë, ose boshnjake, dhe e ndryshonte këtë deklarim”, ka thënë ai.