Tetë persona janë dërguar në Spitalin Rajonal të Pejës për shkak të lëndimeve që kanë pësuar nga aksidenti mëngjesin e së dielës.
Një veturë dhe një furgon janë përplasur në fshatin Dollc të Klinës, derisa ende nuk dihet shkaku që ka çuar në aksident.
“Rreth 10:35 Policia ka pranuar informatën për një aksident në fshatin Dollc të Klinës. Policia ka vërtetuar se të përfshira kanë qenë dy automjete, një kombi-bus dhe një veturë, ku 8 persona janë lënduar dhe kanë kërkuar trajtim. Ata janë dërguar në Spitalin Rajonal të Pejës”, ka thënë për KOHËN zëdhënësi i Policisë për rajonin e Pejës, Fadil Gashi.
