Sot pritet të kërkohet caktimi i masës së paraburgimit për tri infermieret e dyshuara për sulm fizik ndaj një të moshuare në shtëpinë e të moshuarve “Orenda” në Pejë.
Të njëjtat janë arrestuar të mërkurën pas publikimit të një videoje ku shihet një infermiere duke e goditur një të moshuar, ndërkaq disa të tjera prapa kamerës duke qeshur.
Videoja ka ngjallur reagim në opinionin publik, derisa politikanë e qytetarë e kanë dënuar ngjarjen.
E moshuara, e cila sipas familjarëve është me sëmundjen e alzheimerit është tërhequr nga shtëpia.
Drejtues të shtëpisë së të moshuarve kanë deklaruar se katër infermiere janë suspenduar një ditë më herët para se të publikohej videoja, për “sjellje të pahijshme”.
Edhe
Paraburgim tri infermiereve për sulmin ndaj të moshuarës
Policia fillimisht ka arrestuar dy infermiere, e më vonë edhe një.
