Shpërthim me mjet eksploziv në një veturë në Suhodoll të Mitrovicës

Një shpërthim me mjet eksploziv ka ndodhur para pak çasteve në fshatin Suhadoll të Mitrovicës.

Këtë e ka konfirmuar për KOHËN zëvendësdrejtori i Policisë për rajonin e veriut, Besim Hoti.

‘’Për momentin nuk e dimë se çfarë ka qenë mjeti shpërthyes, jemi ende në fazat fillestare të hetimit. Nuk e dimë autorin. E mira e kësaj është që nuk ka pasur të lënduar, vetëm janë dëmtuar xhamat e pasmë të veturës’’, ka thënë Hoti.

Policia është në vendin e ngjarjes për të zbuluar shkakun që çoi deri te vendosja e mjetit eksploziv në veturën e viktimës. Ndërkohë, në vendngjarje ka mbërritur edhe njësiti i bombave për të zbuluar se çfarë ka qenë mjeti shpërthyes.