Një mjet shpërthyes dyshohet se është vendosur në një automjet të parkuar afër një pompe në Fushë-Kosovë.
Policia ka thënë se po ndërmerr të gjitha veprimet e nevojshme për ta menaxhuar situatën.
Deri tash, Policia nuk ka dhënë informacione të tjera rreth rastit.
“Rreth orës 16:00 kemi pranuar informatën për një mjet të dyshuar shpërthyes në rrugën Prishtinë -Fushë Kosovë, saktësisht në një automjet të parkuar në afërsi të një pompe të derivateve. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, njoftoi PK-ja.
