Një aksident trafiku ka ndodhur dje në Prishtinë rreth orës 06:55 me ç’rast është shkelur një këmbësore.
Policia e Kosovës bën të ditur se viktima ka marrë trajtim mjekësor, por edhe vozitësja ka marrë tretman mjekësor për shkak të traumave, transmeton Koha.net.
“Ka ndodhur një aksident trafiku në mes të një automjeti me ngasës femër K-Shqiptare dhe një këmbësore femër K-Shqiptare. Si pasojë e aksidentit këmbësorja ka pësuar lëndime të rënda trupore dhe është dërguar në QKUK për tretman mjekësor. Po ashtu edhe ngasësja gjendet në tretman mjekësor për shkak të traumave nga rasti”, thotë PK.
