Policia e Kosovës ka njoftuar se e ka sekuestruar një veturë të tipit Mercedes G63, të vitit 2022, me vlerë 160 mijë euro në Suharekë të hënën, me kërkesë të autoriteteve gjermane.
Dyshimet janë se pronari kishte detyrime të pashlyera në Gjermani.
“Në vend që t’i përgjigjej kreditorit, pronari kishte larguar automjetin nga Gjermania, ndërsa i njëjti është gjetur në Kosovë, konkretisht në qytetin e Suharekës”, thuhet në njoftim të Policisë.
Automjeti është sekuestruar me urdhër të Prokurorisë Themelore në Prizren.
“Ky operacion paraqet një shembull të qartë të bashkëpunimit të ngushtë mes Policisë së Kosovës dhe institucioneve të drejtësisë ndërkombëtare, veçanërisht me ato të vendeve të Bashkimit Evropian. Policia e Kosovës mbetet e përkushtuar në forcimin e sundimit të ligjit dhe në zbatimin e marrëveshjeve ndërkombëtare për drejtësi dhe siguri”, thuhet në njoftim të Policisë.
-
Dogana zbulon 23 mijë euro të padeklaruara Merdar
-
Policia në Gjakovë sekuestron një veturë të kërkuar nga Interpoli gjerman
-
Bastisje në Prishtinë e Suharekë, dy të arrestuar dhe mijëra euro të sekuestruara
-
Shpallet në kërkim shtetasi kosovar, dyshohet se e shiti veturën e vjedhur në Shqipëri
-
Policia gjen veturën që ishte në kërkim ndërkombëtar, arreston të dyshuarin për armëmbajtje