Mbi 520 mijë euro të padeklaruar dhe mallra të kontrabanduara (kafe, cigare, pije alkoolike, ilaçe, karroca për fëmijë, pajisje elektroshtëpiake dhe veshmbathje) janë sekuestruar të premten në Portin e Durrësit nga një autobus i linjës Padova – Lushnje.
Policia ka thënë se rasti është zbuluar pas një hetimi njëmujor.
“Si rezultat i kontrollit të imtësishëm, në pjesën e sipërme të autobusit janë gjetur të fshehura 6 qese plastmasi, brenda të cilave kishte disa pako, me rreth 522 000 euro, të cilat u sekuestruan në cilësinë e provës materiale së bashku me mallrat e dyshuara të kontrabanduara që u gjetën në brendësi të autobusit (kafe, cigare, pije alkoolike, ilaçe, kuti me mentesha, karroca për fëmijë, elektroshtëpiake dhe veshmbathje)”, thuhet në njoftim të Policisë.
Siç ka bërë të ditur Policia e Shqipërisë, për rastin janë tre persona: E. Ç., 32 vjeç, pronar dhe drejtues i autobusit; D. K., 36 vjeç dhe A. C., 32 vjeç, ndihmësit e drejtuesit të autobusit.
-
Policia sekuestron mbi 125 mijë euro në portin e Durrësit
-
Mbi 100 mijë euro të padeklaruara ndalohen në pikën kufitare Dheu i Bardhë
-
Merdar, zbulohen mbi 63 mijë euro të padeklaruar në një autobus të relacionit Gjermani – Kosovë
-
Policia në veri sekuestron mbi 5.500 boksa cigare të kontrabanduara
-
27 fustane dhe 2 vello të padeklaruara gjenden të fshehura në autobusin Turqi-Kosovë